心痛

自從23號晚那天在電視直播看著那件悲慘事的發生, 到今天他們大部份都回來了...感覺很沉重....也不是一朝一夕就可以忘記的....每次看到有關報導會想哭....心痛得很!!!

不過我想說的事心痛還心痛....這兩天不停在fb和weibo看著大家怎樣指責菲律賓警隊....其實真的夠 了...性命駡不回來...再痛也要重新振作....相對地...我有時還覺得梁太比我們還要堅强.....因為她比我地冷靜...要知道她是受到最大傷 害的人...她也沒有一直在抱怨....

今天想起了以下幾句歌詞....我地都要學....學習如何振作起 來

要是人心中 穿了一個洞 你如何衝過 惡夢 門別再封 閒人勿進 想像晴空 有雲雀相送

初次見面~~你好~~!

今天又去了做低能事...是我低估了佢既受歡迎程度~~今天見識了咩叫"追車"!!! 話說自從睇完大東本書之後~~超鍾意佢d作品~~同埋佢係超可愛的....所以我好想親眼見佢一次...仲奢望佢親自幫我簽名............

明查暗訪下...我知道佢今日會去8度海逸酒店出席生日會....其實我好不容易先爭取一個位置可以入去玩....但因為我唔敢一個人去既關係...我放棄了(不後悔不後悔)....

結果我今日就同kelly係酒店門外等佢...等左半個鐘...終於見到佢架車....由於d酒店實q已經知道我地想點~所以佢唔俾我地入停車場....所以我一個人衝入酒店大門(又好彩俾我入度)...點知入面仲有2層實q~~由於我之前已經入去巡視過~~當實q問我去邊...我就大言不慚咁同佢講~我要去厠所~~當我準備衝入厠所既時候~~佢個後門已經開左~~我仲見到大東好慢咁行入黎~~d實q又趕唔走我~就搵幾個實q擋住我~~好彩大東超高~~我見到佢入黎, 但佢超累...我見到佢係度捽眼....我細聲叫佢又聽唔到...我又唔敢用普通話叫佢....後尾佢聽到~~仲令返過黎望我....型死人了~~~佢入左lift後~~我就係門口同佢揮手~~就係關門的時候~~佢同我揮手呀~~~佢真係超可愛~~

不過我地距離太遠了....很失望....我知道自己恨見到佢多過見到mr. t...但我鍾意同mr. t既相處方式...大東就一定冇這個可能啦~~~也許有些人真係不適合知道得太多~~我好怕大東不是我想像中的nice....不過應該不會....只是佢做了兩晚show~~~累壞了~~~
我地還有機會見嗎???? 可否是一個少人的地方.....so miss u

手信

今天媽媽終於去完旅行回來了~~~係這趙長線旅行中, 佢買了三隻很貴重既錶給我們3個....我知道以佢平時慳儉既性格, 要她這樣花一筆錢是很難....當她買完後, 她急不及待打回來給我們, 還冷不勝防給我妹潑她冷水, 我妹跟她說我不愛戴錶的.....

這個答案令我媽很不安, 因為她該想起...我真的一年只戴5次以下.....今天她回來打給我, 第一句是: 我回來了", 第二句是"我買了一只錶給你, 你會戴的吧!"

我怎會不知妳用意是什麼....打後的日子, 我會讓它一直跟在我身邊, 好好珍惜它的!!

TWK Fans Club 2週年

今次係第一次同jen一齊出gathering的日子....其實係今個禮拜中得知活動既地方同形式改左....係想縮沙既......原本係去西貢三星灣beach加bbq....後尾因為book唔切....full左所以改左小欖bbq~~~見前兩日曬成咁...都係今日係咩一回事....不過, 一睇forum個list就知今日人數超少....咁當俾面鄧生啦~!!!

今朝一起身見到出面落雨....比起曬還要得人驚....梳洗後打俾jen發覺佢失踨了....講真...假如佢要遲去....我一定要等埋佢la~~經過生日會既教訓~仲唔知死咩....

就係因為花左20分鐘尋人....所以搞到遲左少少...不過佢地應該多謝我遲左少少....因為佢地等我就係係地鐵站舒服地等~~我地等另一組人係係小欖門口乾煎!!!!

成個bbq時段係熱同埋熱同埋熱....開頭以為冇想像中咁曬(返到屋企見到個吊帶印就知錯)!!!!...期間仲有好多爆笑野....失禮到呢....我要叫小布霖唔好將個風扇仔放咁近自己!! 如果唔係要剪頭髮架!!

真心恭賀鄧生fans club 2週年~!!!! 希望越黎越多團員~~~加油呀~~

夢會醒 被冷水照頭淋醒

其實我都知道人大了, 就要學懂接受事實, 學懂自量...

最近再次決定重拾畫筆, 其實是想了一段時間, 對上一次就係中學時期修讀美術科, 不過那時不懂事, 完全沒放過在心上, 每一次上堂都只是抱著"比沒功課交"和"成張畫紙沒空白就好"既心態去學, 當然什麼都學不到,
最近好想搵返一份興趣, 選上學油畫, 學了一個月, 每次上堂都很緊張, 暫時完成了2.5幅作品, 每次完成作品的成功感真令人很開心, 但我都很怕自己會好快放棄. 有誰比我更了解自己嗎???

雖 然我沒奢望過人家會極力鼓勵我, 但也不需要由家人送我一大盤冷水, 我也不想一事無成的, 我也不是沒努力過, 可惜我資質有限, 學畫畫如何可以學到很有成就???如何為止學有所成???? 真的要衡量過所有東西都有價值才可以做嗎??? 什麼是浪費?? 不可以給我一點信心嗎? 給你看中我是一個失敗的人, 你會更自豪??

p.s. 由你說出來, 才是令我感到傷心的原因...

這兩天做了兩件傻事~!!XD

傻事一: 尋晚約了朋友唱k, 放工後回家小睡片刻...其間找回一對買了幾年, 每年只穿一次既幾吋高踭腳, 係屋企試穿了一陣以為自己好勁...由於入元朗既巴士係市中心, 原本有諗過搭車, 但後尾都係行過去...行到半路己出事...上到巴士已經諗緊點返屋企, 點知仲要朋友遲到, 係街頭真係想霸左人地日本料理俾人等位張seat坐下....
之後兩個人唱k...由於我行動不便, 所以朋友負責幫我出去拎野食, 咁我自己唱左陣架la~跟住佢返入黎, 揀歌...全部都係"每首識唱兩句"...真係最hit果兩句....我已經幫佢揀d佢應該一定識既....但佢又話唔記得左....結果我唱足8成....中間攰得滯...開左伴唱俾佢~~haha~~~未夠鐘已經眼瞓la我....
後尾仲要趕尾班車....因為如果搭唔返部車...要去荃灣轉車....中間仲要行一段漫長既路tim~~~

傻事二: 今日同肥e兩個無所事事~決定去做d健康事---就係踩單車~~~真係好耐冇踩過...應該有兩年吧...三點出發....一開頭精神好~~又唔攰....縱使面對住猛烈既太陽....由大圍出發~~一開始就踩到唔知邊度~~應該係來回程既4分一啦~~~之後我地平均5分鐘, 10分鐘不等就要歇一歇~!!!! 最後去到科學園過少少.....就決定返轉頭了~(因為我地兩個踩到有少少唔舒服)~~可能因為我地一食飽就開波, 同埋太耐冇做過d咁激烈既運動....最後我地接近6點踩到去屋企附近, 由於我地回程冇位置可以停, 所以我帶埋部租車返屋企休息左半小時...先再返去還車~~~

今日最大既收穫係曬到一身本人超滿意既小小古銅色~~~讚讚讚~!!!!但唔可以再黑架la~再黑就係賓妹架啦~~~haha~~下次我唔會再覺得自己有運動細胞~~會用長時間來踩lee d咁遠既路程~~~!!

明晚~~又學畫畫了~~~期待ing